MailPrint
சினிமாவில் பல ஆண்டுகள் நடிப்பதே சாதனை தான்: லட்சுமி ராய்
[ Sunday, 07 April 2013, 10:56.26 AM GMT +05:30 ]
சினிமாவில் பல ஆண்டுகள் தொடர்ந்து நடிப்பதே சாதனை தான் என்று நடிகை லட்சுமி ராய் தெரிவித்துள்ளார்.

'கற்க கசடற' திரைப்படத்தின் மூலம் தமிழ் திரையுலகிற்கு அறிமுகமானவர் லட்சுமி ராய். இவர் அடுத்தடுத்து படங்களில் நடித்து வந்தாலும் குறிப்பிடும்படி வெற்றி எதுவும் பெற முடியவில்லை.

அண்மையில் இவரது நடிப்பில் இரண்டு படங்கள் வெளியாயின. இவை இரண்டுமே எதிர்பார்த்த வெற்றி படங்களாக அமையவில்லை.

இதனால் லட்சுமி ராய்க்கு வாய்ப்பு அளிப்பதாக வாக்களித்த தயாரிப்பாளர் ஒருவர் கடைசி நேரத்தில் கைவிரித்து விட்டாராம். இதை கேட்டு அவர் அதிர்ச்சி அடைந்திருக்கிறார்.

இது குறித்து லட்சுமி ராய் கூறுகையில், சினிமாவில் முன்னணி நடிகைகள் பட்டியலில் இடம் பெறாத போதும் தொடர்ந்து பல ஆண்டுகளாக நடிக்கிறேன். என்னை பொறுத்த வரை இதுவே பெரிய சாதனை.

எந்த படமாக இருந்தாலும், என் வேலையை நிறைவாகவே செய்கிறேன். அதில் சில படங்கள் வெற்றிபெறும், சில படங்கள் தோல்வியடையும். அதற்கு எந்த வகையிலும் நான் காரணமாக முடியாது என்று தெரிவித்துள்ளார்.