MailPrint
கொலிவுட்டில் நடிக்கிறார் சஞ்சய் தத்
[ Thursday, 05 July 2012, 05:40.09 AM GMT +05:30 ]

ஒளிப்பதிவாளர் ரவி.கே.சந்திரன் இயக்கும் படத்தில் சஞ்சய் தத் நடிக்க உள்ளார்.

ஒளிப்பதிவாளர்கள் இயக்குனர்கள் ஆகும் வரிசையில் ரவி.கே.சந்திரன் தன்னையும் இணைத்துள்ளார்.

தனது முதல் படத்தின் நாயகனாக ஜீவாவை தெரிவு செய்து இருக்கிறார். ஓஸ்கர் விருது பெற்ற ஒலி வடிவமைப்பாளர் ரசூல் பூக்குட்டி, படத்தொகுப்பாளர் ஸ்ரீகர் பிரசாத் ஆகியோர் இப்படத்திற்காக ஒப்பந்தமாகி இருக்கிறார்கள்.

இப்படத்தினை 'கோ', 'விண்ணைத்தாண்டி வருவாயா' உள்ளிட்ட படங்களைத் தயாரித்த R.S.Infotainment நிறுவனம் தயாரிக்க இருக்கிறது.

இப்படத்தில் ஒரு முக்கிய வேடத்தில் நடிகக் இருக்கிறார் சஞ்சய் தத். ஏதோ இரண்டு அல்லது மூன்று காட்சிக்கு வருவார் என்றில்லாமல், படம் முழுக்க வருவது போன்ற ஒரு முக்கிய பாத்திரத்தில் நடிக்க சம்மதித்து இருக்கிறார்.

இந்திய திரையுலகின் முக்கிய ஒளிப்பதிவாளர் ரவி.கே.சந்திரன் இயக்கும் படம் என்பதால் உடனே சம்மதம் தெரிவித்துவிட்டார் சஞ்சய் தத்.

இருப்பினும் நாயகிகளை தேடும் பணி தொடர்ந்து நடைபெற்று வருகிறது.